आमची सुरुवात आणि उद्दिष्ट
भारतीय स्वयंपाकात मसाल्यांना अनन्यसाधारण महत्त्व आहे. जेवणाला खरी लज्जत, समृद्ध दाटपणा आणि खमंग सुवास हा केवळ उच्च दर्जाच्या मसाल्यांमुळेच येतो. आजकाल बाजारात मिळणाऱ्या भेसळयुक्त, कृत्रिम रंग आणि घातक रसायनांचा वापर केलेल्या मसाल्यांना एक सुरक्षित, विश्वासू आणि १००% घरगुती पर्याय देण्यासाठी आम्ही 'राजवाडा मसाले' ची सुरुवात केली.
आमचे मुख्य उद्दिष्ट केवळ मसाल्यांची विक्री करणे नसून, प्रत्येक घरातील गृहिणीला जुन्या काळातील पाटा-वरवंट्यावर वाटलेल्या मसाल्यांची आठवण करून देणे आहे. ती अस्सल गावरान चव आणि पारंपरिक सुवास आजच्या आधुनिक स्वयंपाकघरात पुन्हा जिवंत करण्यासाठी आम्ही कटिबद्ध आहोत. उत्पादनाच्या गुणवत्तेशी आणि ग्राहकांच्या आरोग्याशी आम्ही कधीही तडजोड करत नाही!
आम्ही वेगळे का आहोत?
राजवाडा मसाले हे १००% शुद्ध आणि नैसर्गिक घटकांपासून बनवले जातात. आम्ही थेट शेतकऱ्यांकडून उच्च दर्जाची हळद, मिरच्या आणि खडे मसाले गोळा करतो. ते व्यवस्थित निवडून, पारंपारिक पद्धतीने योग्य प्रमाणात भाजून घरगुती पद्धतीने दळले जातात.
आमच्या कोणत्याही उत्पादनामध्ये कृत्रिम रंग, रासायनिक प्रिझर्व्हेटिव्ह्ज किंवा बाह्य पावडर (उदा. लाकडाचा भुसा किंवा रासायनिक तिखट) वापरली जात नाही. म्हणूनच आमच्या मसाल्यांचा थोडासा वापरही जेवणाला अप्रतिम चव आणि राजेशाही सुवास देतो.
